რა უნდა მოვიმოქმედოთ როდესაც ჩვენი შვილები გვკითხავენ : რას ნიშნავს იყო კაცი!
 

ხშირად გვსმენია  „იყავი კაცი“.  სად ან ვისთან უნდა გავარკვიოთ რას ნიშნავს ეს გამონათქვამი?  სხვებისთვის კითხვა საკმაოდ უსიამოვნოა და ნაკლებად სავარაუდოა რომ გასაგებ და ამომწურავ პასუხს მიიღებ.  

უმეტეს ადამიანს ბავშვობაში არ ჰქონია საშუალება ენახა ღირსეული მამაკაცის ყოფის გამოცდილება და მიეღო მაგალითი, არ ჰყოლია ცოდნის გამზიარებელი, რომელიც მას მამაკაცურ როლის, გაგების  და ცოდნის მნიშვნელობას  გაუზიარებდა.

აქედან გამომდინარე ბევრი ბავშვი გაიზარდა ისეთ გარემოში სადაც არ მოხდა მსგავსი ცოდნის დახმარებით განვითარება და ჩამოყალიბება, ბევრს დააკლდა ნამდვილი მამაკაცური მაგალითები და ქცევები, რამაც განაპირობა დღევანდელი გარემო, სადაც საკმაოდ ცოტას თუ შეხვდებით ისეთს, ვისაც ესმის მამაკაცურობის სიღრმისეული დანიშნულება, შესაბამისად იგრძნობა მწვავე პრობლემები მამაკაცის ცხოვრებაში, რაც უკვე არა მხოლოდ განყენებული ინდივიდუალური შემთხვევებია, არამედ იქცა ტიპიურ და გავრცელებულ პრობლემად, რომელიც გადაჭრას საჭიროებს. ხოლო პრობლემის გადაჭრა და მოგვარება მამაკაცის ის ამბიციაა, რომელიც მას აქცევს და თავს აგრძნობინებს წარმატებულ მამაკაცად, რომელმაც შეძლო ასეთი დაბრკოლების გადალახვა და სხვასაც დაეხმარა ამის მიღწევაში.

ჩვენ პასუხს ვაგებთ ჩვენს ყოფასა და გარემოზე, რომელშიც ვცხოვრობთ, პასუხს ვაგებთ ჩვენს გვერდით მცხოვრებ ადამიანებზე და ზემოხსენებული პრობლემის გააზრება და გადაჭრა დაგვეხმარება არა მხოლოდ იმაში, რომ შევარჩიოთ სწორი მამაკაცური სტრატეგია ცხოვრების წარმართვაში, არამედ ეს ცოდნა და გამოცდილება ჩვენს მომავალ თაობებსაც გადავცეთ.